الثلاثاء، 6 مارس 2018

الاوراق المطلوبة فى المقابلة لغرض الدراسة للسفارة الألمانية


1- ابلكيشن السفارة 

2- الاقرار القانونى 

3- لو هتدرس بالألمانى ولسا هتسافر تكمل لغة فلازم تجيب قبول من معهد لغة فى ألمانيا " لو خلصتها فخلاص مش هتجيب حاجة"
اللى هيدرس بالانجليزى مالوش دعوة بالنقطة دى

4- قبول الجامعة 

5- كشف حساب للحساب المغلق بتاعك فى المانيا او الاقرار للضامن او خطاب المنحة ان هى هتتكفل بمصاريفك

6- شهادة اللغة لو معاك ألمانى او ايلتس

7- صورة عادية من بيان درجات الثانوية "الصورة تكون متصورة من الشهادة المتوثقة " 

8- صورة عادية من بيان درجات الجامعة و يفضل كمان لو طالع بكالوريوس فيبقا معاك اثبات قيد لانهم اوقات بيطلبوها .. و لو طالع ماستر فزود شهادة التخرج + بيان الدرجات "الصور تكون متصورة من الشهادة المتوثقة " 

9- سى فى 

10- موتفيشن ليتر

لينك عن الموتفيشن و خطاب التوصية و ال cv
https://www.facebook.com/groups/311111149267612/permalink/404734919905234/
11- زى شهادة كورس / تطوع / خطاب توصية / تدريب / خبرة / اى ورقة معاك مش لازم يكونوا متوثقين سفارة بس لازم يكونوا انجليزى او المانى و ممضين من الجهة/الشخص اللى صادرة منه الشهادة

12- صفحات الباسبور اللي فيها اختام + اول صفحتين اللي هي بياناتك وصفحة الامضاء
**خلي دايما معاك نسخة احتياطي من كل الاوراق اللي معاك.
= الاصل مبيتاخدش منك .. بياخدوا نسختين صور عادية مش متوثقة و بيتأكدوا من الاصل
وطبعا متنساش ٧٥ يورو مصاريف الفيزا و بياخدوا المبلغ فى الانترفيو و بتدفع المبلغ بالجنية المصرى
والمبلغ لا يرد حتى لو اترفضت من السفارة

إرسال تعليق

Whatsapp Button works on Mobile Device only

Start typing and press Enter to search